शिवनीचोर रेती घाटातून काळोखात चालणाऱ्या अवैद्य रेती उत्खनावर कोण लावणार लगाम ?
दिनचर्या न्युज :-
चंद्रपूर :- chandrapur
चंद्रपूर जिल्ह्यातील लगत असलेल्या वर्धा नदीच्या शिवनी चोर या रेती घाटातून रोज रात्रोच्या काळोखात चालणाऱ्या अवैध रेती उत्खनन व वाहतुकीवर कोण लावणार लगाम? संबंधित वृत्तपत्रात बातमी प्रकाशित झाल्यानंतर या रेती घाटावरील रेती तस्करांनी महसूल विभागाच्या अधिकाराला मांड -वली करून मोकळे झालेत! शिवनी चोर रेती घाट हा प्रस्थापित असून वर्धा नदीच्या पात्रात रोज रात्रोला दहा ते बारा ट्रॅक्टर, हायवा द्वारे रेती तस्कराकडून रेतीची उचल केली जाते. ती रेती अज्ञात ठिकाणी साठवून ठेवून हाफ टन किंवा हायवा द्वारे अवैद्य रित्या शासनाचा महसूल बुडवून बे भाव दराने विक्री केल्या जाते. सदर रेती घाट हा शासनाकडून प्रस्थापित असून या रेती घाटाच्या लिलावासाठी शिवनीचोर ग्रामपंचायत ने ठराव सुद्धा घेऊन तहसीलदाराकडे प्रस्तावित लिलावासाठी पाठविला असल्याची विश्वसनीय माहिती असली तरी. शासनाच्या खनिक कर्ण विभागाच्या आशीर्वादाने या प्रस्थापित रेती घाटाचा लिलाव होण्याअगोदरच रोज
रात्रोला काळोख्यात अवैद्य रेती उत्खनन व वाहतुकीवर महसूल प्रशासनाचा परवानगीची गरज लागत नाही अवैद्य रेती वाहतुकीचा खेळ रात्रीला अधिकच बहरत असतो. माध्यमात बातम्या आल्या की थातूरमातूर कारवाई करून घेतात आणि पुन्हा जैसी ती परिस्थिती ' येरे माझ्या मागल्या' अशा प्रकारची ची स्थिती निर्माण होते.
काही अधिकारी मांडव वली करून पुन्हा रेती तस्करांना रान मोकळे करून देतात. मात्र यासाठी प्रशासनाला काहीतरी ठोस पावले उचलण्याची गरज आहे.
अवैद्यरित्या मोठ्या प्रमाणात रेतीची तस्करी होत असताना आणि लाखोचा महसूल शासनाचा बुडत असताना सुद्धा याकडे मात्र महसूल विभाग उघड्या डोळ्याने पहात असल्याचे चित्र दिसून येत आहे.
जेव्हा केव्हा या रेती घाटाचा लीलाव होईल तोपर्यंत या रेती घाटातील रेतीचा सर्व उपसा होण्याचे चित्र दिसत असून या ठिकाणी होत असलेली रेतीची तस्करी त्वरित थांबवावी जेणेकरून शासन प्रशासनाला या रेती घाटाचा महसूल प्राप्त होईल. आणि अवैद्यरित्या होत असलेल्या रेतीची चोरीला फार मोठ्या प्रमाणात आळा बसेल .
शासनाच्या अजब धोरणामुळे एकीकडे घरकुल धारकांना रेती साठी बे भाव दराने शासनाचा महसूल बडवलेली चोरीची रेती तस्कराकडून खरेदी करावी लागत आहे.
आणि दुसरीकडे प्रस्थापित रेती घाटातून महसूल विभागाच्या डोळ्यात धुळ फेकून सर्रास रोज रात्री रेतीची तस्करी खुलेआम होत आहे. यावर आळा बसवून संबंधित रेती घाटाला शासन नियमानुसार लिलाव करून द्यावा. अशी मागणी आता होत आहे.
